自創香橙西米慕士布甸

..

材料一定要有橙味的啫喱粉,忌廉,西米

先分別西米煮熟及橙味啫喱用熱水攬勻,放涼

再將忌廉打先,之後將所有材料攪勻,放入碗中雪凍

食得~

大家可以將佢改良,用黑加倫子味加Cherry都得

芒果豆腐流心蛋糕

買在個半月形蛋糕模一直都未用過
一於今日開齋

早一晚要將芒果用攪拌器攪溶晒,再將芒果汁用一個小碗裝好,放入冰箱雪

今次穩陣起見,做番拿手的豆腐慕士
做法是將忌廉及豆腐+糖分別打起,再整溶魚膠片拌勻

將豆腐漿倒一半落模中,先再將冰箱內的芒果汁放入中間,再落埋其餘的豆腐漿,
放入雪櫃雪凝固

起模時候用火熗/風筒吹一陣,就好易起到模

小貼士 :

哈哈 ! 個頂唔掂,是由於我無將落第一層時雪凝固
才落芒果冰,變在芒果冰重,跌落底
下次唔可以偷懶~

大家又可以將佢變化,中間放層清蛋糕雪好後,才將其餘的豆腐漿落埋又得
另外鍾意食芒果多的人,又可以將芒果汁加埋落豆腐漿內,令成個慕士都充滿芒果味道

西米燉蛋

今日介紹一個好簡單的燉蛋
材料好簡單只要 : 西米,蛋,糖, 雲尼拿香油及忌廉

先將西米煮熟,放涼

將所有材料放晒落碗攪勻

倒落杯

拎去蒸/焗熟

食得~

我和組長的約定

為了慶祝第一次做CCCP成功,又有籍口食一餐,搵埋幾個幫手的成員出來慶祝一番先

當大家講得興高彩烈的時候,有人好認真咁話要阻我地一陣
點知就拎在2盒野出來,講得唔清唔楚,又話一隻貓腳,一隻狗腳,嚇到眼都突埋

喎 ! 原來是一隻腳形玻璃杯,印有貓腳及狗腳的圖案

送給了二位人姐話多謝幫手捉貓事件



哼 ! 點解我無份架  唯有返屋企攬住屋企果二隻狗的腳啦



好,正式開始食野

有人怕血糖低,未人齊就叫了自己一人份量,終於被大家瓜份在先

先來刺生

 

再來一碟

見到有海膽三文魚粒粒飯,叫了碗來試,點知無情情來了碗唔知乜,見有肥牛粟米,好,又食埋

呢個才是海膽三文魚粒粒飯



三文魚及鴨胸壽司

花之戀,象拔蛑,火焰三文魚,甜蝦壽司



再來火焰鰻魚,三文魚壽司

無錯,大家又是飯,鰻魚手卷及花之戀

做完飯筒,就食燒物,有鮮菇



雞翼

連鵪春蛋都有



有人必食的雞腎,食咁多唔怪得"腎腎地"

肥牛金菇卷

雞軟骨

菠蘿

蕃茄仔

大腸

三文魚腩



南瓜,蕃蓄,茄子,蝦天婦羅

餃子

麵鼓湯

炒椰菜



雪條,汽水任食任飲
有人6月生日有8折,順便來個羅漢請觀音慶生先~

總括食物味道好食,亦無漏單
只是店舖細坐位比較迫

亞茂整餅之三色綠茶芝士餅

首先將用消化餅整碎做餅底

加入無鹽牛油溝埋

平均壓落模內,放入雪櫃

忌廉芝士加糖打至軟身(為了煮腳著想,特登狗少糖)

淡忌廉打起

將忌廉芝士加一隻蛋打拌

將忌廉芝士混落打好的淡忌廉

攬好



用凍水浸軟魚膠片,拎起,加少少水叮熱整溶

將溶了的魚膠片混落芝士漿內

倒一半落模內雪

將綠茶粉用水開好,隔渣,加入落剩餘的芝士漿內倒落模內成為第二層,雪好



將紙做乜 ?

寫牌

第一次用溶了的朱古力寫字,控制上都唔易,為免寫多錯多,穩陣寫簡單D,算 ok

 

再晝多幾個圖案做裝飾,卷住雪好

再將綠茶粉加魚膠粉,糖做隔渣 Jelly面,倒蓉模上,成為第三層,雪至凝固



完成後成為三層綠茶芝士餅

加埋裝飾,哈哈 ! 士多啤利都是我自己介個花出來架



好唔好食我唔知? 因為無試味就成個送了比生日煮腳

煮腳祝你身體健康 ! 行得走得,食得訓得 !