雞手鴨腳捉貓記

話說上回貓BB已經開眼仔,仲開始爬行,驚佢地走路就好難捉去絕育,
所以搵了義工幫手暫養餵奶,戒奶後再搵人領養

咁岩義工4月1日要帶2隻唐BB去旺角的寵物復活節的活動,
咁就一於去完反抽熊膽汁的遊行,趕番去捉貓BB再拎出去旺角比義工

有人傻下傻下拎起渠蓋後用梯爬落影在
5隻精令可愛三個星期大的貓BB,
突然閃光燈閃後發現媽媽原來係處

歌王想拎走bb時,媽媽發惡,對於我地一向對貓全無經驗,
只好放棄打電話搵人救命,點知義工話唔駛理隻媽媽照搶bb走人,
最多被佢抓,唔似狗咁樣咬你,
係地底走得唔夠貓抓快喎
但我地養開狗的人,唔怕狗咬,反而怕貓抓喎? 點算好.....................

最後,又再打多個電話搵貓人救命,貓人遊行中都停止趕過來,
點知來到時,唔知係咪貓人的內功心厚傳在內功比歌王
突然就好勇咁一條友再落去,即刻捉晒5隻bb

咁大個女簡直發夢都無想過抱&摸貓bb,因為我由細都驚貓

右手邊果隻明顯係最肥的一隻,原來隻隻都唔同樣,
有隻其中一隻腳成隻白色,有隻個面多d白毛

雞手鴨腳捉完後,就去旺角交比義工幫手餵奶,

由於越來越多人圍觀,又抱佢地,搞到都唔知邊隻影在相,邊隻無影
唯有等義工返屋企後再幫佢地再影過相

唯一美中不足是沒有捉貓籠係手
只好問人借在貓籠才可以捉埋媽媽去絕育