珍惜分秒 ~ MRI 報告

全身麻醉架 Camilla 係診所做完 MRI 磁力共振麻醉藥未過 , 吊緊鹽水休息復甦中 , 係探病時偷偷影左一張 .

接左 Camilla 回家麻醉藥依然未過 , 繼續休息 , 手仔包住靜脈注滴鹽水架針孔 .

Mi Mi 曾經醒一醒又訓番 .

過左大約兩小時到 Camilla 開始甦醒 , 眼仔 Look Look 咁 .

爸 Bi : Camilla 坐起身那 , 休息多陣先啦 , 慢慢麻醉藥就完全退晒架那 .

Camilla : 爸 Bi 狗地知道那 .

.....

.....

.....

係診所我同太太一齊見左神經系統專科獸醫 , 聽 MRI 磁力共振報告 , 醫生話 MRI 報告顯示 Camilla 架抽筋原因已經知道 , 但並唔係好消息 .

係頭仔右下角即係左眼內訌頭顱骨到有一腫瘤 , 而腫瘤並非細胞性而係骨質性腫瘤 , 腫瘤形成應該有兩個月左右 , 腫瘤向腦內外同時擴大 , 向腦內生長壓住左腦神經 , 所以就會出現抽筋 .

醫生話呢種腫瘤很少見 , 就連佢行醫咁耐都未見過 , 而腫瘤生長位置係左眼內訌頭顱骨 , 係好難做到手術 , 現在唯一可做就只係食藥去減少抽筋 , 而最壞架消息就係 .......... 醫生話按目前情況估計 , Camilla 生存估計應該仲有兩個月左右 ................叫我地做好心理準備.............. !!!

可能係某一次抽筋架時候就會同我地講再見 ......................... !!!!!

生有時 - 死有時 ........係 Camilla 餘下架日子 , 爸 Bi 媽 Mi 會好好珍惜每一分每一秒同你開心架時間 , 同你去多 D 地方玩 , 比狗地喜歡架食食 Camilla 食 .

你要知道 Camilla 同家姐兩個都係爸 Bi 媽 Mi 心中架美麗小天使 .

正面磁力共振素描片顯示係右下角即係左眼內訌頭顱骨有一腫瘤 ( 加左顯影劑後白色陰影位置 ) .

側面磁力共振素描片 .