Camilla 急症入院

昨晚 9:15 pm 左右 Camilla 係屋企突然抽筋 .

我同太太都非常擔心 , 當時 Camilla 全身肌肉收縮 , 雙手仔伸直 , 同不自覺咁流口水 , 仲伸埋條利出黎 .

見狀就感覺好似佢會離開咁 , 而抽筋維持左大約分半鐘 , 之後開始慢慢減輕 .

我同太太就立即飛的去睇急症 , 到診所獸醫同 Camilla 檢查身體 , 初步認為其神經反射都尚算正常 , 同時都抽血化驗是否有其他問題所引致 .

半個鐘後血液化驗報告出左 , Camilla 一切都大致正常 , 應該唔係內在機能所引發 .

獸醫講要安排神經專科再檢查 , 因為可能係腦部神經系統有問題又或者腦部有腫瘤 , 而 Camilla 需要留院觀察一晚 .

而到 24 號今早致電診所詢問 Camilla 情況 , 診所回覆 Camilla 昨晚放低無幾耐又再出現抽筋情況 , 醫生即時幫佢打左針 .

而剛剛同神經專科獸醫聯絡過 , 佢今早檢查 Camilla 同睇過驗血報告後 , 評估 Camilla 可能有兩種狀況會形成抽筋 , 第一係家族性遺傳 , 第二係腦神經或腦腫瘤 .想完全了解就要照 MRI 磁力共振 .

已安排今天下午照 MRI 磁力共振 .

 

抽筋是最常見的狗狗神經系統毛病 , 抽筋會有以下全部或部份病徵 :

1. 失去知覺 .

2. 身體所有肌肉收縮 .

3. 由沒有反應到產生幻覺 .

4. 不自覺地排尿 , 排便或流口水 .

5. 行為性改變 , 認不出主人 , 兇惡 , 步速及圍圈走 .