好學唔學 ?!

以下之事件及圖片會令人嘔心

時間 : 2012年2月3日早上5點幾
地點 : 狗竇
狗物 :  小雪

事件發生經過 :

有隻狗索氣索醒晒全屋人,唔知佢發生乜事?同平日的行為有點異常的索氣,我已經試用手扣佢喉嚨,睇有無野食在落肚click住喉嚨,但又無野嘔,之後成半時間都四圍 lam 地下/梳化/cusion...........,之後以為佢只是 chok氣,唔理佢訓覺去

無幾耐聽到搞搞陣聲,走出去睇,發現平日水兜下面墊住的尿片,放在好多個月都安全無事,被小雪拉在出來食,無在成條邊+小小棉花,死野,明明 chok住唔舒服仲要走去食尿片,激死人! 收起返工吧

........................................................

放工後,見梳化上有舊咁野,唔駛問一定是小雪的嘔吐物,因為小威跳唔到上梳化,
唔怪之得佢晨早的索氣同有lam的行為異常啦,原來隻野成日 lam 埋lam的垃圾同頭髮係肚,
白白地色的野,就是今日發現無在條邊的尿片.

唔通狗天生識自覺有野頂住想嘔出來,又嘔唔出,就會特登食d野落去令自己嘔番出來?
今次算好彩,否則分分鐘要開肚切腸.咪學圓丸食垃圾落肚啦,八妹,嚇死我啦~