愛有期限 ???

以前我想是從來未想過會養狗 , 因為我怕貓及狗的, 記得少時候每次去探嫲嫲時, 行唐7樓必要經過一層有養狗, 隻狗每次都張牙舞爪, 每次都要嫲嫲做人肉擋箭牌, 才可順利到達, 而去公公婆婆家時佢地亦養了一隻貓, 以前的貓比我印象中是很惡,由其個樣, 唔知點解每次食飯時佢都要抓我地的腳, 所以又係怕得要死.

你們會問我即是唔鍾意動物 ?

又唔係喎 ! 我小時候會養雞仔 , 龜, 魚, 白兔

自結婚後我地都無諗過養動物, 一來我怕, 二來無時間照顧(宜家知係籍口), 我家大家姐陳豆豆就由朋友處轉手過來, 她算是幸運, 因為朋友由佢bb時買佢返來之後就由我接手照顧, 就由乜都唔識開始養豆豆, 所以我地當時又無同佢去玩, 因為身邊的朋友當年養狗都係唔帶狗出街, 而自己就會去街到好夜咁樣.

http://hk.myblog.yahoo.com/dog-base/article?mid=292

幾時開始叫識養狗, 就係領養在陳家二小姐Camilla之後, 因為接觸在義工及狗友家長們, 從家長們交流心時偷師, 哈哈哈 ! 似唔似幼稚園接放學時, 成班家長講仔經一樣. 

Camilla是最乖的孩子, 因為她經歷過由狗房到領養機構的生活, 她在領養機構時是食大獲飯, 即是大細狗一齊爭食, 所以大家唔好以為狗係領養機構就係好, 只能講起埋他們免一死, 有幸的就有個安享晚年的家庭領養.

轉眼 Camilla 又離開了兩年 , 時間過得好快 , 自從有咪咪我地生活已經不再一樣 , 從你身上學懂堅持, 不放棄, 有愛就有奇蹟 , 亦學懂珍惜一起的時候 .

http://hk.myblog.yahoo.com/dog-base/article?mid=4195

http://hk.myblog.yahoo.com/dog-base/article?mid=4196

前年4月陳家三小姐小雪報到, 岩岩去完旅行就有人打電話來話, 有隻狗比人放係pet shop沖涼幾個月都唔拎走, 又搵唔到佢主人, 叫我地去睇, 要唔要都好幫佢地拎走先, 否則店主話再無人拎走, 就送去死, 就因為咁樣義工都未出 post , 呢隻外表斯文,內裡狂野的小狗就自動入住陳家~

http://hk.myblog.yahoo.com/dog-base/article?mid=4998

舊年7月居然無預計之下陳家好字出現, 陳小威~

佢係我四隻狗內經歷最慘的一隻狗,

由主人放係Pet shop唔拎,

再比人拎在又放佢係佢親戚, 成日綁住, 比其他狗蝦,

到有位義工暫養, 直到舊年呢位義工都不能再暫養佢,

要比番佢主人, 但個主人居然話你唔肯幫佢暫養就拎去死啦~

(大家唔好問點解 ? 我都唔知原因, 只能說當你唔想要時,就會搵千樣的原因去解釋~)

之後再拎去一間領養的機構

最後來到陳家, 小威陳家必定是你最後的居所~

http://hk.myblog.yahoo.com/cheung-cheung/article?mid=599

http://hk.myblog.yahoo.com/cheung-cheung/article?mid=19895

http://hk.myblog.yahoo.com/cheung-cheung/article?mid=19905

http://hk.myblog.yahoo.com/cheung-cheung/article?mid=20023

愛真是有期限 ?

我不是很偉大, 只能幫到的有限, 但每人能盡少少能力起埋令到他們有少少溫飽.

http://hk.myblog.yahoo.com/cheung-cheung/article?mid=23929

陳家的四個故事, 是典型人類遺棄狗的籍口.

請停一停 ! 諗一諗 !

你還是去買貓/狗/其他動物 ? 當動物作禮物送贈嗎 ?