告別兒時回憶 !

呢間屋我由細細個就住 , 今日要告別 !

再早期我地一家人住一個房間仔,好彩英國管治時有房屋政策,我地就有屋住,大家唔好睇以為好大,以前住齊7個人就唔多夠位,但點都好過一間房仔,又貴租又細

呢個以前係廳,放食飯檯同組合櫃,梳化

幾個人幫手起晒膠地板 , 房協話一定要起番晒比佢先得,到要起膠地板先覺間屋好似好大

呢個係更房,以前亞爸亞媽訓呢處 , 大過宜家私人樓的房多多聲

呢個位置以前放在2張上下格床 , 一人訓一格 , 以前來說好開心,一人有一格屬於自己的床訓 , 同d小朋友比,當然無得比啦

呢個位置係廚房,唔係大,但都實用

呢個係露台位,風涼水冷,本身係乜都無,打風落雨時就濕晒,連去廁所都濕身,後來安在鋁窗 , 宜家又話要拆番晒先比得番房協 ,浪費唔環保 !

好彩萬能蝦子餅係處,一個人拆晒搞掂在~