澳門吃喝玩樂一天遊

今日黐頭芒家長們話要休息番一天去放鬆下 , 順便差下電返來 , 好 ! 我地就過大海 ! 出發 !!

一到步 , 食個早餐 , 先來個葡撻及豬扒飽 , 因為未到出爐時間 , 所以兩樣都唔係新鮮熱辣辣 ! (要下午三點先有脆卜卜的豬扒飽食)

來到澳門一定要食盡去 , 今日大家諗住測試一日之內究竟可以食幾多野落肚先 !

午飯時間我地一於食水蟹粥 , 呢個唔錯 .

右面的墨魚丸好食過左面的鯪魚丸

魷魚都新鮮 .

金沙蝦 , 好食 , 不過就貴d要$50一隻 .

食完又去遊覽下 , 出名的葡式住宅博物館 .

一場來到當然要買手信 , 呢個餅好似話好好食 ,

 

呢位人姐一買完就拿拿淋放入袋 , 驚比人搶左去咁 .

沿途睇下景 , 順便消化下再食過 .

呢間酒店內景好靚 , 以為去左歐洲過聖誕 !

唔駛講一定知我地去左邊 , 大三巴 !

行完幾個地方 , 又係食野時間 , 呢間豆腐花好滑 , 唔太甜 , 好食 !

而呢間用新鮮椰子做雪糕 , 都好好食唔會有添加濟同太奶味 , 好椰味 !

晚飯前 , 用魚翅漱口先 ! 好大排翅 , 要等位先有得食 , 食完出面排晒長龍添 , 好彩快人一步唔駛等咁耐 .

晚飯食葡國餐 , 先來個湯同包 !

舉聞好好味的芝士包 , 都好好食 , 細細舊一口一個 .

咖哩蟹 !

魚 !

大家都話整得好好食的椰菜 !

呢個行程想知邊樣最好味 , 唔駛講睇下下面張相就知 , 因為我地又用魚翅當消夜 , 仲每人都外買左返香港比屋企人試下 .

過到大海唔可以兩手空空回港 , 一定要有買番d野食返來再慢慢歎 !

是日行程非常滿足 ! 附送短片長5分鐘 , 但非常歎為觀止 !