當然 Camilla 回家需要時間去適應環境 , 而呢個適應期都有兩週 , 太太就用左呢兩週教識 Camilla 去廁所大小便 , Camilla 回家第二天我放工後就同他落街街 , 早期 Camilla 落街街真係單單行街街 , 當然發展到現在落街就辦埋大小事情 , 係街街到當可見到 Camilla 係好開心的 .
自領養 Camilla 後認識了一些幫助狗狗的義工朋友 , 原來他們都經常攪一些活動讓狗狗與其家人可以一起參與同遊樂同玩耍 , 例如 : 去旅行 , 游水水 , 燒烤活動等等 , 而我們也參與不少活動呢 , 可讓 Camilla 去郊外走走 , 跑下草地吸下清新空氣 , 對狗狗心身都有益處 .
接 Camilla 回家一刻開始 , 我們對牠的承諾就是要牠開心快樂 , 有屬於 Camilla 屋企 , 照顧佢直至終老 .
Camilla 回家後第一次出街坐車車到上環中山紀念公園的一個狗狗活動 .
Camilla 大約自 7 歲時給前主人因貪新忘舊而遺棄 , 又在待領期間失去了左眼 , 當我們遇上 Camilla 時牠已 8 歲 , 雖然年齡好像比較大 , 但是牠依然十分活潑 , 很多時落街街都開心到跑呀跑 , 不過因為失去了一隻眼睛 , 只能依靠右眼看事物 , 這樣就加速了右眼白內障的形成 , 到今天右眼白內障已經成熟 , 這表示右眼也同樣的看不到東西了 , 只是瞳孔對光線仍有反應 , 只能感覺到有東西在面前搖晃 , 基本上現在用聽覺同嗅覺來找東西 .
在領養時 HKDR 給 Camilla 的頸帶
不經意 Camilla 來了已經兩週年半 , 好景不常於 5 月尾某天晚上 Camilla 於家中突然抽筋 , 便立即往獸醫看急症 , 經過磁力共振素描結果證實 Camilla 失去了左眼那處頭顱頭有一腫瘤 , 屬於骨質性腫瘤 , 同時往腦內外生長 , 因為腫瘤壓住神經線所以就會出現抽筋 , 但最最最壞消息就是醫生說按腫瘤生長情況 , 叫我夫婦二人要有心理預備 , Camilla 可能只得兩個月壽命 .
這消息可算震撼了我倆的心靈 , 為何命運要這樣對待 Camilla 呢 !!! 好像很多事情都不是我們能夠控制 , 而 Camilla 每天都要食藥控制病情 , 經過了個多月情況都比較穩定 , 雖然醫生這樣說 , 但我們依然向好的方向盼望 , 每天都祝福小狗 , 讓 Camilla 更開心 , 有時間就多些帶 Mi Mi 周圍去玩 , 珍惜每一分每一秒 .
(Empty)
回覆刪除[版主回覆07/08/2008 09:18:00]多謝晒!
身為 Camilla嘅主人,你倆巳經做得好好, 而且好盡力啦!!!雖然 醫生話 Camilla 只得兩個月壽命,但係世事無野係一定嫁,好好地繼續行你地同 Camilla嘅路啦!!!
回覆刪除[版主回覆07/08/2008 09:21:00]我都信 世事 無絕對,我地會珍惜一齊的時間,你都要振作
你哋ニ人一犬都handle得好好呀....其實健康未必係自己可以控制嘅, 做人都尚且係咁喇。唔好理咁多啦, 得快樂時且快樂, 我認Camilla可以跟住你哋夫妻開開心心咁活两三年, 好過留係狗場活十年八年......生命嘅quality比quantity重要.....
回覆刪除[版主回覆07/08/2008 09:28:00]所以有時會安慰自己Mi Mi雖然同我地一齊時間不多,但可以比到佢開開心心的時候,佢一定無憾.見到狗場d狗真係幾心痛,我地又可以幫到幾多隻呀,希望d人唔好再自私遺棄d狗又唔好買狗,收養幫下其他狗.
卡 mimi，我都祝福你 要心想事成!!
回覆刪除[版主回覆07/08/2008 09:31:00]大家咁話,仲有萬事勝意!
我最近識咗一隻狗狗, 是 1988 年出世的, 狗生中出現過幾次危急情況, 幸好都能大步跨過, 到而家依然行得走得食得瞓得。 Mi Mi 你有幸遇上咁愛你嘅爸媽, 都一定會過到呢一關嘅。加油!
回覆刪除[版主回覆07/09/2008 21:28:00]嘩!!!20歲勁呀,最開心聽到呢d新紀錄,仲有無更高
最重要係Camilla 活得開心 , 加油
回覆刪除[版主回覆07/09/2008 21:30:00]多謝!開心有意義,就無憾
Camilla媽, 你相信有天使嗎?? Camilla就係上天送給你們的小天使, 將開心與快樂無條件的送給你們, 而同時間上天亦安排了你們做Camilla的守護神. 無時無刻不分晝夜的保護她愛鍚她關心她. 給與她最真摯最真誠的愛. Camilla、Camilla媽請不要放棄. 衷心的祝福你們.
回覆刪除[版主回覆07/17/2008 20:50:00]多謝你祝福,我都信有天使