珍惜分秒 - 陽光與海灘

6 月 21 日星期六今日天氣十分之好好好 , 而且仲係夏至 , 氣溫有成三十幾度 , 早前落左咁多日雨無活動 , 今次一定要出發呀 .

爸 Bi 媽 Mi 話今日同狗地去一個神秘沙灘到玩 , 而且約左 Jackie 姐姐同埋妹頭 , 仲有阿 Sue 姐姐同狗地影相相添 , 因為天氣炎熱所以就決定比較晏先出發 , 約左下午 4 點係九龍某地方集合 .

Camilla : 爸 Bi 媽 Mi 同狗地坐小巴早到成半粒點到集合地點 , 唯有係度等啦 .

Camilla : 雖然天氣熱 , 不過訓係呢樹對住果冷氣門口真係幾正架 .

Camilla : 一方有難 , 八方支援 , 狗地都呼籲大家繼續支持四川呀 !!!!

Camilla : 依 !!! 爸 Bi 媽 Mi 阿 Sue 姐姐黎那 .

Camilla : Sue 姐姐午安 , 仲要等阿妹頭呀 !!

Camilla : 哈哈 , Jackie 姐姐同妹頭終於黎那 , 好野 !! 可以出發 .

妹頭 : Camilla 你好 , 好高興又再見面 .

Camilla : 咁樣一行四人兩狗地就向住神秘沙灘進發 .

Camilla : 唔經唔覺咁就黎到呢個神秘沙灘 .

Camilla : 呢度有張木吊遙椅 , 用黎影相都非常唔錯 .

Camilla : 太陽伯伯今日非常勤力 , 陽光充沛 .

Camilla : 青山綠水 , 陽光與海灘你我都有份 !!!

Camilla : 望去斜對面都有一個沙灘 , 不過係唔比狗地去玩架 .

媽 Mi : Camilla 影番張相相先啦 .

Camilla : 哈哈 !! 都有其他狗地係度玩架 .

爸 Bi : Camilla 我地一齊黎讓那山與水將身心來抱擁 .

爸 Bi : 陽光充沛到影相都困難好多 , 太過光呀 !!!

Camilla : 戴番頂太陽帽帽先 , 睇下狗地幾靚女 !!!

Camilla : 而且手手腳腳浸係水度好清涼呀 .

妹頭 : Camilla 點解你要拖住帶帶架 .

Camilla : 狗地睇唔到野 , 如果拖住帶帶就好有安全感 , 狗地知道爸 Bi 媽 Mi 會拖住唔會比狗地撞親 .

Sue 姐姐 : 妹頭望一望過黎呢一面啦 , 係那 ..... 好 !!!

Camilla : 阿狗地哥哥你係度玩沙沙呀 !!!

狗地 : 係呀 !! 係度碌下地沙都唔知幾過引 .

媽 Mi : Camilla 我地行番埋去裡面休息下先 .

爸 Bi : Camilla 等我用個影姐住狗地先 .