媽 Mi 整餅

話比大家知 , 除左阿茂整餅之外 , 現在多左個媽 Mi 整餅呀 , 哈哈 ..... !! 爸 Bi 媽 Mi 之前和我去過好多次狗狗活動 , 見到其他狗狗朋友的父母都有整到一些狗狗食物出黎比眾狗狗朋友食 , 而且味道都幾好 , 而爸 Bi 都試食過都話唔錯 , 所以媽 Mi 就決定自己試下整狗狗食架餅和蛋糕比我食 .... 咁 .... 我 Camilla 當然舉晒手腳支持啦 ( 反轉左個肚肚咪舉晒手腳啦 ) .

有我支持爸 Bi 協助下 , 首先就到點點綠買些有機的材料 , 又再到油麻地買整餅和蛋糕的材料和器具 , 而焗爐家裡已經有 , 差不多萬事俱備 ...... 開工 .

大致上各樣所需都齊備 , 第一樣試驗架就係番薯蛋糕 , 係紫色心個隻 .

而且仲買左南瓜 , 紅蘿蔔 等等 .... 準備做更多架口味 ..... 嘩 !!! 今次真係無死那 , 諗起都開心 , 口水一路咁由口角到流出黎.... 噢 .... 唔好意思有點失儀 .

等 ..... 5 , 4 , 3 , 2 , 1 , 0 , 終於大功告成 , 登 ~ 登 ~ 登 ~ 登 ~ 各位觀眾番薯蛋糕完成了 .

見到都香噴噴 , 初試啼聲做住三個先 , 其實做多都唔得 , 因為個焗爐面積有限 , 最多都係三四個到 , 爸 Bi 媽 Mi 就立即試食成果 .

爸 Bi 媽 Mi 幾時輪到我 Camilla 試食呀 , 我等左好耐呀 ~ ~ ~ ~ !!!!

爸 Bi 媽 Mi : 得得得 , 好快到 Camilla 食食 .