我的 ~ 左鄰右里

Hello !! 爸 Bi 每日放工番黎第一件要做架事就係同我 Camilla 落街街散步 , 又可以叫做下運動咁啦 , 其實就係去大小方便一下 ..... 嘻嘻 !!!!

有街街去我就多數係街街到方便方便 , 如果天氣唔好架話又或者有時我隻手仔痛痛就唔落得街街 , 咁就會係屋企我個私家廁所到攪掂 .

唔經唔覺我住土瓜灣區都差唔多兩年了 , 每日落街街到行都見到好多其他架狗狗 , 開頭大家都唔熟 , 見面禮就係你嗅下我 , 我又嗅下你 , 再跟住就多數比先我吠佢地 ( 因前主人買新狗後被遺棄架陰影 ) , 所以我唔係太鐘意和其他狗狗玩 .

不過有位姐姐日日都帶四隻狗狗落街街 , 好多時都會見到佢地 , 日子耐左之後 , 正所謂一次生兩次熟 , 都變成我架街坊好友了 , 我無再吠佢地 , 而且我仲跟埋佢地一齊行街街行天橋 .

咁就等我介紹一下我的左鄰右里 , 街坊好友比大家認識先 , 佢地全部都係姐姐領養架 .

呢位就係牧羊狗 ~ 包包 .

包包都好後生 , 應該係兩歲多少少 , 活潑好動又聽話 , 又識手手又識 Sit Sit , 係姐姐四隻狗狗架新成員 .

而呢位就係松鼠狗 ~ Billy

我唔記得問 Billy 幾多歲 , 但係應該細過我少少啦 , Billy 又係好乖好得意架 , 佢最鍾意就係係天橋到吠下面經過架車車 , 一有車車經過佢就走左走右咁吠架車車 , 呢個係佢架玩意之一 .

而呢位就係約瑟爹利 ~ Bell Bell

Bell Bell 比較唔野得架一個 , 試過比佢吠我先 , 但而家都無吠我了 .

而呢位就係金毛尋回犬 ~ 阿尋

開頭都覺得呢個名幾特別 , 不過金毛尋回犬叫阿尋又唔係好特別 , 我就一於好少理 , 一於叫佢做 ~ 千尋 ~ , 千與千尋果個千尋 .

千尋係姐姐幫朋友照顧的暫託服務 , 早上就由姐姐暫託 , 放工後就黎接放學 .... 呵呵 .... 似唔似託兒所 .

而姐姐仲有一隻西施狗叫 ~ 坦妃 ~ 係年紀最大架一隻 , 已經十四歲 , 因未有同佢影到相 , 遲一陣再同大家介紹 .

媽 Mi 整餅

話比大家知 , 除左阿茂整餅之外 , 現在多左個媽 Mi 整餅呀 , 哈哈 ..... !! 爸 Bi 媽 Mi 之前和我去過好多次狗狗活動 , 見到其他狗狗朋友的父母都有整到一些狗狗食物出黎比眾狗狗朋友食 , 而且味道都幾好 , 而爸 Bi 都試食過都話唔錯 , 所以媽 Mi 就決定自己試下整狗狗食架餅和蛋糕比我食 .... 咁 .... 我 Camilla 當然舉晒手腳支持啦 ( 反轉左個肚肚咪舉晒手腳啦 ) .

有我支持爸 Bi 協助下 , 首先就到點點綠買些有機的材料 , 又再到油麻地買整餅和蛋糕的材料和器具 , 而焗爐家裡已經有 , 差不多萬事俱備 ...... 開工 .

大致上各樣所需都齊備 , 第一樣試驗架就係番薯蛋糕 , 係紫色心個隻 .

而且仲買左南瓜 , 紅蘿蔔 等等 .... 準備做更多架口味 ..... 嘩 !!! 今次真係無死那 , 諗起都開心 , 口水一路咁由口角到流出黎.... 噢 .... 唔好意思有點失儀 .

等 ..... 5 , 4 , 3 , 2 , 1 , 0 , 終於大功告成 , 登 ~ 登 ~ 登 ~ 登 ~ 各位觀眾番薯蛋糕完成了 .

見到都香噴噴 , 初試啼聲做住三個先 , 其實做多都唔得 , 因為個焗爐面積有限 , 最多都係三四個到 , 爸 Bi 媽 Mi 就立即試食成果 .

爸 Bi 媽 Mi 幾時輪到我 Camilla 試食呀 , 我等左好耐呀 ~ ~ ~ ~ !!!!

爸 Bi 媽 Mi : 得得得 , 好快到 Camilla 食食 .

好開心呀 ~!!

大家好 , 已經成個月多無野比大家睇 ..... 真係唔好意思 ~!!!

原因係爸 Bi 近排成日掛住攪佢個 Yahoo 拍賣放野賣 , 所以咪無野比大家睇 .

媽 Mi 同我都投訴左佢好耐啦 , 一日又一日咁等等等 ...... 終於今日可以能夠同咁多老友記見面 ..... 好開心呀 ~!!

我 Camilla 要同大家講番近來我的近況 , 期望咁多位老友記繼續支持 , 謝謝 !!!