追追月 ~ Camilla 下水禮

終於可以講下我 Camilla 游水水 , 今次係我第二次落水水 , 舊年第一次落水之後攪到成身痕 , 媽 Mi 話可能係吹風機吹得太干 , 所以就皮膚敏感 , 今次媽 Mi 話吹到一半干再等我自然干就會無問題 . 好 !!! 一於落水啦 . 爸 Bi 陪我落水一齊玩 .

爸 Bi : Camilla 我地行一行個游泳池邊先 , 熟悉一下環境先 .

Camilla : 好呀 , 我都係咁話 .

Camilla : 爸 Bi 都好似行到差唔多啦 , 可以埋池邊睇睇環境 .

 爸 Bi : 點呀 , 可以落水咪呀 ~! !!

爸 Bi : Camilla 你自己跳落水得唔得呀 .

 Camilla : 唔得呀 , 爸 Bi 抱我落水先 , 等我適應下水溫同水深先 .

爸 Bi : Camilla 你咁多事實0架 .

Camilla : 爸 Bi 話晒都係今年第一次落水 , 張就下啦 ~ !!

爸 Bi : 好啦 , 等我抱住你試下水 , 點呀 OK 未 ?

Camilla : 爸 Bi 都係放番我上池邊休息下先 .

爸 Bi : 不如比個浮床仔你試下 .

爸 Bi : Camilla 你坐穩 D 呀 , 唔好郁呀 , 跌你落水0架 .

爸 Bi : Camilla 一於放你落水游幾野先 ...................... !!!

爸 Bi : Camilla 游得好好呀 , 呢次算係你真正游水呀 , Camilla 係識游水水0架 .

Camilla 上水停一下先啦 , 爸 Bi 出年繼續同你去游水水啦 .

Camilla : 我見到舅父仔同毛毛呀 ..... 哈哈 ..... 毛毛游得幾好呀 !!

Camilla : 毛毛第一次落水水游 , 估唔到都游得唔錯呀 , 要多 D 出黎玩見下世面增廣見聞一下啦 .

其他狗狗架游水相相 ...... 唔係 ...... 係坐救生浮床架相 .

當日有好多狗狗食物呀 , 而媽 Mi 都有整到南瓜蛋糕呀 , 仲有狗狗春卷 , 狗狗冰皮月餅等等 ~ !!!

Camilla : 玩左成日好疲倦呀 , 都係屋企最舒服 .

追追月 ~ 辛苦旅行 BBQ

日期 :  9 月 30 日 ( 星期日 ) , 天氣 : 十分天晴
地點 :  寵物宅 ( 天水圍 ) , 時間 : 12:45pm - 7:30pm

經過左幾個月無出去郊外旅遊之後 , 爸 Bi 媽 Mi 今次再帶我去游水水呀 , 而且舅父仔一家人都一齊去呀 , 今次係舅父仔隻毛毛第一次落水玩呀 , 我地 D 狗狗可算係玩得好開心 , 不過爸 Bi 媽 Mi 話下次唔會再黎呢個場 , 簡直係受苦旅行 . 咁就等我 Camilla 講比大家聽一聽啦 ..... !!!

今次目的地係位於天水圍西鐵站旁邊0架寵物宅 ( 隔離係古蹟聚星樓 ) , 個場面積唔算大基本上可以一眼睇晒 , 有狗狗游泳池一個 , 同過往去過0架狗狗泳池差唔多大 , 不過 D 池水比較污濁 , 燒烤爐位四個 , 呢次旅行一行差唔多四十人三十多狗狗 , 但成個場就只有四至五個太陽傘 , 而陽光又十分猛烈 , 氣溫升到 31 - 32 度到啦 , 好多狗狗父母都被迫要日光浴 , 包括爸 Bi 媽 Mi 和舅父仔舅母仔在內 , 曬到頭暈又好熱 , 風扇都無把 , 而有幾個狗狗父母都支持唔住要走先 ( 差小小就中暑 ) , 唯一室內0架地方又唔開放比人隨便入 , 隨左幫襯食麵麵又或者去廁所先入去 , 而且個場 D 人又係裡面煲煙攪到空氣污濁 , 簡直離晒譜呀 ~ !!!!

個場除左招呼我地仲繼續比 Walk In 架人帶狗狗入黎游水 , 所以閒雜人等就多 , 更要留心自己0架財物 .

到下午差唔多四點到 , 都已經走左七八個人 , 開始 BBQ 時間 , 而燒烤食物方面都是一般 , 有腸仔 , 貢丸 , 牛丸 , 墨魚丸 , 麵包 , 雞中翼 , 雞排 , 豬排 , 就是這樣 , 包一支水或者汽水 , 食物味道普普通通 , 爸 Bi 媽 Mi 和舅父仔舅母仔因先前曬到傻左 , 無乜心機燒 , 燒左一陣食左少少野就算 ( 都未飽 ) , 而舅父仔同爸 Bi 都想早些走 , 所以就 Call 左部貨 Wan , 六點鐘走人 .

總結 : 爸 Bi 媽 Mi 和舅父仔舅母仔都四口齊聲話 , 再聽到 ~寵物宅~ 都唔會再去 .

下一篇同大家講我游水水0架情形啦 .

諗到好主意

Camilla : 媽 Mi 呀 , 你地過唔過黎坐下梳化呀 , 休閒一下啦 , 我想同你坐呀 , 我上左黎加啦 , 你黎得味呀 ~ !!!

媽 Mi : 等一陣先啦 , 轉頭就黎 .

Camilla : 哦 , 我會好乖咁坐係到等你 , 你快 D 過黎啦 .

Camilla : 媽 Mi 得咪呀 !!!

媽 Mi : 得啦 , 得啦 , 過黎啦 , 咁我地一齊坐啦 .

Camilla : 媽 Mi 呀 , 爸 Bi 又0羅部相機出黎影我地呀 !!!

媽 Mi : 唔駛理爸 Bi 啦 , 由得佢影到夠啦 .

Camilla : 哦 !! 知道了 ..... 呀 ..... 媽 Mi 你隻腳放得咁埋我處架 , 不過 .... 我諗到一個好好呀主意呀 , 可以利用一下媽 Mi 隻腳腳唔會浪費左呢 , 橫掂我個頭都唔知放去邊處好 , 不如 ........ 就用黎 ......... 嘻嘻 ........!!! 我僕個頭仔落去先 , 都幾舒服呀 !!!

等候

爸 Bi : Camilla 你係門口到做乜野呀 ~ !!!

Camilla : 媽 Mi 未返咪等 媽 Mi 0羅 ~ !!!

媽 Mi : Camilla 你係走廊到做乜野呀 ~ !!!

Camilla : 爸 Bi 未返咪等 爸 Bi 0羅 ~ !!!

Camilla : 其實如果爸 Bi 未放工返到屋企我一定會等佢架 , 因為爸 Bi 會同我落街街呢 !!!我同爸 Bi 會禮尚往來呀 , 佢同我落街街我就叫佢起身返工 . 又或者媽 Mi 未返到屋企我又會等佢架 , 因為媽 Mi 會比食食我食 , 同我梳毛毛啦 .一家人呀嗎 , 我一定會掛住爸 Bi 媽 Mi 啦 , 齊齊整整最開心 .

Camilla : 原來爸 Bi 你偷影狗地 ~ !!!

世界動物日

“世界動物日” ( World Animal Day ) 源自１９世紀義大利修道士聖方濟的倡議。聖方濟長期生活在阿西西島上的森林中，熱愛動物並和動物們建立了“兄弟姐妹”般的關係。他要求村民們在１０月４日這天“向獻愛心給人類的動物們致謝”。聖方濟為人類與動物建立正常文明的關係做出了榜樣。後人為了紀念他，就把１０月４日定為“世界動物日”，並自本世紀２０年代開始，每年的這一天，在世界各地舉辦各種形式的紀念活動。

World Animal Day was started in 1931 at a convention of ecologists in Florence as a way of highlighting the plight of endangered species. Since then it has grown to encompass all kinds of animal life and is widely celebrated in countries throughout the world. October 4 was chosen as World Animal Day as it is the Feast Day of St Francis of Assisi, the patron saint of animals.

Enoch 記語 :

其實動物與人類有著十分微妙關係 , 像聖經中形容 , 阿當所負責管理的伊甸園 , 當中是包括一切動物在內 . 動物和人類是處於共融關係 , 皆是有生命的 .

珍惜生命 , 分享生命 , 愛護生命 , 尊重生命 ~ 是 Camilla 部屋要表達訊息 .

小時候可算是有養動物的習慣 , 小學時開始家中養了一隻小狗 , 不是甚麼的種類只是混種犬而已 , 之後我自己還有養金魚和巴西龜 , 養金魚這階段都經歷了很久日子 , 而弟弟也有養一對彩鳳 .

最近這 10 年 , 我前後養了兩隻小狗 , 首隻是西施小狗 ~ 豆豆 ~ . 第二隻也是西施小狗 ~ Camilla ~ , 她倆都是被人遺棄的 . 因為她們讓我更明白和了解人類的自私行為 , 也明白到動物沒選擇權又無奈的命運 . 又因為她們讓我認識到原來有很多的人都是喜愛動物的 .而且還有一些無私的為動物付出時間 , 金錢和愛心的人 .

豆豆 , 與我們生活了七個多年頭 , 於 9 歲半時回到天父那裡 .

Camilla , 於 HKDR 領養 , 成為我家庭成員快兩年 , 也接近 10 歲了 , 我夫婦倆人都很珍惜跟 Camilla 相聚的每一刻 .

分享成果

經過第一次整餅之後 , 媽 Mi 整餅架技術更加熟練 , 因為功多自然就藝熟 , 起初都有一些技術和份量上架問題 , 但媽 Mi 都一一解決左 , 自然最開心最得益就是我 Camilla 啦 , 因為又可以有好多好味蛋糕食食呀 !!!.... 正呀 ~!!!其實爸 Bi 都好欣賞媽 Mi 整架南瓜蛋糕 .

9 月 30 日爸 Bi 媽 Mi 又再同我去旅行呀 , 過往每次旅行其他狗狗的爸媽都有整好多好美味架蛋糕仔出黎分比眾狗狗食食 , 今天媽 Mi 決定整番一次比大家試一下 , 可以叫做媽 Mi 第一次分享成果呀 .

今次媽 Mi 一次過整左十幾個南瓜蛋糕 , 而且仲相當成功 , 再用一些透明花紙包裝住 , 又睇得又食得 . 當然我係第一個試食架狗狗啦 ......唔......好味 !!!!

呢七個係西蘭花魚肉撻呀 , 係媽 Mi 特別為我做架 , 媽 Mi 話要整多一些健康架野比我食 , 因為自己做一定健康過外面買的 .

謝謝 ....... 媽 Mi !!!