夏日游樂日 ( 終部曲 )

爸 Bi 和我影張相先 , 白色北京狗狗~樽燇~係草地旁加料比爸 Bi 影左 ..... 呵呵 !!

藍色背景影相相個效果都幾正 , 感覺幾特別 .

中午過後到會的食物到達了 , 嘩 ...... 真係好多野食呀 !!! 大部份都合爸 Bi 媽 Mi 胃口 ( 炒飯 - 沙律 - 雞翼 - 白飯 - 生炒骨 - 牛展 - 甜品 ) , 最後都食唔晒 , 可以打包返屋企食過 .

而呢幾位朋友狗係呢個 6 月生日的 , 所以一齊慶祝一下切下蛋糕 .

我依然發揮我偵探架本色 , 就係周圍去八一下 , 十足十警察巡邏 .

哥基仔仔因為身體唔多舒服 , 所以比人掛左個禁食牌牌 , 無得食 ...... 慘 !!!!

夏日游樂日 ( 次部曲 )

話明係夏日游樂日 , 當然就是游水水啦 , 不過我 Camilla 就唔落水游了 , 黎當旅行就算 . 因為上次游完水後就皮膚敏感 , 痕到飛起 , 攪到要睇醫生呀 . 見到其他朋友仔玩得咁開心我都好開心 , 我好容易滿足架 , 只要爸 Bi 媽 Mi 每月都帶我出去外面玩下就開心到飛起 .

義工姐姐 Jackie 的三寶之一  ~ 圓圓     HKDR 舍友 Mavin 都有黎呀

呢幾張就係朋友仔作樂游水的照片 , 可以見到佢地好開心玩水中追波仔 .

個狗狗游泳池都算幾大啦 , 而且人狗可以一齊落水玩 .

夏日游樂日 ( 首部曲 )

日期 : 6 月 3 日 ( 星期日 ) - [ 十分晴朗的一天 , 氣溫都起碼 33 度 ]
地點 : HKCWAC ( 香港犬隻工作&障礙賽事會有限公司 )

位置大約在粉嶺與上水之間某個地方 , 有幾個有上蓋的凡布幕 ( 如照片 ) , 完全沒有冷氣的房間 ( 如果怕熱就唔好去了 ) , 也有訓練狗狗的場地 ( 不過就唔比人和狗進入 , 怕其他狗屙尿影響佢地 D 受訓狗 ) , 狗狗泳池一個 , 地方唔算大普普通通啦 .

一早起身等等等 , 呵呵 ..... 終於等到爸 Bi 媽 Mi 出發去旺角上旅遊車 ( 其實是太子旺角警署旁邊 ) .

Hello !!! 大家好 , 我係 Camilla 呀 , 女仔 , 現在 9 歲 .

天氣真是十分十分熱 , 飲水當然是必定的事 .

為免身體體溫過高 , 爸 Bi 媽 Mi 都用水幫我整濕個身 , 濕左就舒服 D .

其實個口都好倦 , 因為成日都係到散緊熱 .................. !!!!

緬懷豆豆 ( 一 )

呢個公仔就係大咀鳥 , 是媽 Mi 買比家姐豆豆的第一個公仔 , 亦是家姐最鐘意玩的 , 其次就是玩噴噴 .

家姐豆豆的體型比我細小 , 當然就比我輕啦 , 家姐一共和爸 Bi 媽 Mi 住過三間屋呀 , 因為之前仲未買現在所住的 , 所以只是租屋住 , 租屋住當然兩年就會搬啦 , 不過爸 Bi 媽 Mi 一定會選擇可以養狗狗的大廈先會租的 ( 當然買都會以此為目標 ) , 家姐的毛色和我差不多 , 所以我地兩個都幾似樣的 .

這四張都是用手機影的照片 ..... 所以質素比較一般 .

自由自在

各位朋友 , 這些的照片都是爸 Bi 用手機同我影的 , 不過都算影得我好好睇呀 , 真係唔錯 !!! ( 老鼠跌落天砰 .... 飽死荷蘭豆 )

我好乖架 , 因為我識得自己去廁所大小便架 , 唔會隨處方便的 , 因為係媽 Mi 教我架 , 其實剛剛領養我回家時我係唔識去廁所架 , 不過媽 Mi 好有耐性用十多天時間就教識我 , 而且我係唔會亂咁吠的 , 所以我係屋企是十分自由的 , 而屋企完全沒有狗籠這樣東西存在 , 就算爸 Bi 媽 Mi 返晒工我都唔會倒蛋 , 所以係辦公時間 ( 爸 Bi 媽 Mi 返工後 ) 成間屋就屬於我 Camilla 一個呀 ........ 呵呵呵 !!!!

呢幾張相影到我好似傻下傻下咁 ...... 不過另一種講法就係可愛又 QQ ~ !!!!!