離去兩週年

兩年前的今日 7 月 31 日是星期日 , 在這天半夜 4 時 , 陪伴了我們七年多的小狗豆豆在家中離開了我們 , 也是我們親眼看著生命於眼前離去 , 那刻的心情真是十分難過 .

小狗豆豆 , 是很可愛的西施小女狗 , 七年半前我和太太收養牠回家 , 因為他前主人因為要生小孩子而放棄再養他 , 自此就成為我家中一份子 , 那時豆豆應該是兩歲左右 , 豆豆很乖乖的 , 平日也不愛吠叫 , 而特徵就是總是申出小小的舌頭來十分可愛 , 而豆豆喜歡吃狗條條 , 生果和包包 . 而最愛玩太太買給牠第一份禮物 ( 玩具 ) .......大咀鳥 , 豆豆帶給這家庭很多快樂和歡笑 , 可惜於 2005 年的 1 月發現頸部開始出現淋巴瘤 , 雖然帶他到獸醫處醫治 , 但始終不斷的惡化下去 , 淋巴瘤一路一路發展至手和身體各處都有 .

其實我和太太都有心理準備 , 但總覺得豆豆只是 9 歲多就要完結一生未免早了點 , 無可奈何都要接受事實 , 今天雖然豆豆已經離開了我們 , 但是爸爸媽媽不會忘記你的 .

現在豆豆已經成為 Camilla 的家姐了 . 也是爸爸媽媽的守護小天使 .

 

乖巧小狗 - 檬檬

可愛西施狗仔  檬檬  大約 8 歲  , 
友善可愛 , 有正義感 , 喜歡親近人 , 喜歡玩具 及 零食 .

[ 領養者必須年滿 21 歲 , 出示身份證 及 住址證明 ,
並接受家訪。 晶片及絕育費用需由領養者負責 ]

有興趣領養者 , 請留聯絡電話 至 jcheung825@yahoo.com.hk

Lucky 仔尋家

某天, 從來不帶我上街的主人突然叫我跟他一起出外走走,
縱使多年沒有修剪過的指甲令我行起路來一拐一拐的,
從不梳理的毛毛令我污穢不堪, 但我仍然是滿心歡喜,
踏著愉快的腳步跟在主人身後. 
 

到了公園, 主人放下一個紙皮箱, 把我放在箱內,叫我不要走開,
那我就只好靜靜地等他回來.  
中午時份的陽光很猛,把我照得有點暈眩,並引來途人的圍觀,
但我仍然不敢走開, 生怕一走開主人回來便找不到我.
 
時間一分一秒的過去, 主人還是沒有回來,
我聽到有人說已經叫了捉狗隊來,
我想他們談論的, 大概不會是我吧,
因為我是有主人的啊, 而且我的身上還帶著背繩的呢.

過了不久, 幾個穿制服的叔叔拿著繩索向我走近,
但我仍然沒有走開, 只是盡量閃避他們的繩索追捕,
因為我深信主人是會回來接我的…
糾纏間, 我被一雙溫柔的手抱起,
可是她不是我的主人, 我想她是附近的上班一族吧,
當她抱著我跟那些穿制服的叔叔理論時,
我清楚聽到她的心在狂跳著,
然後差點為了我要哭出來的她抱住我逃跑了…
雖然我並不知發生什麼事, 但我蠻歡喜這種感覺,
這種從未嘗過, 被人牢牢抱緊的感覺,很溫暖.
 
現在姐姐開始為我尋覓新家園, 也為我起了一個新名字, 叫 Lucky 仔. 希望幸運之神能夠降臨, 讓我可以從新感受人間溫暖.

你願意成為我的主人, 給我一個家嗎?
 
狗狗品種 :  Schnauzer x shih tzu ( black & white )
姓別 :  男          年齡 :  約 10 歲
Remarks :   好乖 / 十分友善 / 喜歡親近人
亦可與小孩相處, 身體狀況良好 ( 少許皮膚病 )

領養者必須年滿 21歲, 出示身份證 及 住址證明,
並接受家訪。 請留聯絡電話 jessie_msk@yahoo.com.hk

剪毛毛

香港天氣十分炎熱呀 , 一年比一年熱 , 平均都有三十度 , 所以媽 Mi 剛剛星期六就同我修剪一下毛毛 , 剪得短短地咁就比較清爽 , 而且短毛的我好似更加可愛和好睇 , 爸 Bi 都係十分認同我咁講架 !!

訓係凍板上面真是很舒服啦 .

感冒初癒

感覺好似好耐無寫日誌了 , 經過了成一星期的感冒攻擊 , 今天都算痊癒了九成 , 當中都包括看西醫 / 中醫和針灸等等 , 大家真是要保重身體 , 健康就是一切 , 沒有健康就算你擁有世界也沒有用 , 當然我們的好伴侶 ( 狗狗 ) 牠們的健康也十分重 , 總之 !!! 期望每一位都健健康康 , 快快樂樂 .

這是正在針灸時攝的照片 , 可以看到肩膀上兩支針 .

打敗仗

近期可能是流行性感冒的高峰期 , 我家的家人也不能幸免當然包括我在內啦 , 太太給她的部門主管傳染了感冒 , 而我 ...... 呵呵 ....... 唔講都估到係我太太傳染我啦 , 而我比她更為嚴重 , 發燒都發了兩日 , 今次完全打敗仗 , 唯一沒有事當然就係 Camilla 啦 !!!!

有相為證 , 我睇完醫生要食的藥 .

西施出浴

唔好誤會 ....... !!!! 絕對並非兒童不宜的三級的出浴鏡頭 , 也絕非是中國四大美人之一那個西施 , 而是我 Camilla 呢隻西施狗狗的洗白白照片 , 當然就是爸 Bi 出賣我啦 , 將我咁私人架相比晒人睇 , 都唔知有無攪錯 !!!

每次沖涼涼都係媽 Mi 同我沖架 , 一個月沖兩次到啦 , 每次我都唔係好鍾意沖涼 , 所以我每次一察覺到媽 Mi 有所行動就實走開先 , 不過次次都比爸 Bi 媽 Mi 捉番出黎 .

不過沖完涼就成身香噴噴 , 毛毛又軟又順 , 成個醒神晒 .

夏日炎炎

全球天氣一年比一年惡化 , 香港夏天的平均溫度都升高了 , 高溫的日子也長了 , 天氣熱對我地 D 狗狗來說不是一件好事 , 我地 D 狗狗多數都有一身美麗柔軟毛毛 , 如果長時間出街街就好容易體溫過高中暑 . 所以爸 Bi 多數等到 5:45 pm 黃昏氣溫無咁高先至落街 , 平日係夏日炎炎的日子裡做甚麼是最好呢 ? 我 Camilla 可以立即回答就是 :夏日炎炎正好 ........ 眠 !!!!!

後面白色那兩塊是雲石黎架 , 係爸 Bi 買比我作為凍板 , 夏天訓上去凍冰冰架 ..... 正 !!!

狗狗鬧鍾

我好叻女架每日我係屋企到呢 ..... 其實有很多事可以做的 , 首先是做鬧鍾狗 , 一大清早我要叫醒爸 Bi 起身 ( 我唔係用吠架 , 我用手手拍爸 Bi 架 ) , 我十分準時的一定在 5:30 am 左右就黎到床邊 . 爸 Bi 醒後就陪我係廳到坐 , 同我按摩擦身 . 去到大約 6:45 am 爸 Bi 就出門口返工去 , 所以自我黎了之後爸 Bi 就唔駛再較鬧鍾了 , 而且永不會有遲到事情出現 , 因為有左我呢個狗狗鬧鍾 . 不過 ......... 我係唔識分邊日係返工邊日係放假的 , 年中無休 . ( 爸 Bi : 咁我就365日都要咁早起身 ?? )

我呢個鐘係獨一無二的 , 出面買唔到架 !!!

我好叻女架 , 我生理時鐘非常準時 , 永無失拖 .

由屋企的窗門望出去可以看到很遠的景色 .

山頂公園

我 Camilla 真是十分開心呀 !!! 因為 4 月 1 日去了灣仔海濱長廊之後 ,  三日後 4 月 4 日兒童節 , 估唔到咁快又有得再去了 , 呵呵 .... 今次同樣是過去香港區呀 , 目的地就是柯士甸山道山頂公園 , 呢個公園是可以比狗狗入的公園 , 而且公園面積十分大呀 , 大部份都是綠油油的青草地 , 只有那涼亭的位置是石屎地 , 不過涼亭位置因為發現前港督山頂別墅遺址而封閉了 .

今次相約了 Angela 姐姐一起到山頂遊玩 , 所以哥哥 , 細佬和心心也有來 , 我們四個舍友又可以聚首一堂 , 原途都有很多其他狗狗在玩耍 , 我們大約玩左兩個鐘頭到啦 , 就搭車落去跑馬地食午餐了 , 午餐過後爸 Bi 媽 Mi 和我便起程回家去 , 轉眼間開心快樂的時間完結 , 我又期待下一次遊玩快些來唷 !!!!

我呢個 post 似唔似正在參加狗展那些狗狗咁呢 ........... ( 真係飽死荷蘭豆 ) .

戴番頂小紅帽真係可愛的我變得更加可愛 .

爸 Bi 爸 Bi 可唔可以抱抱呀 !??              心心呢張影得幾有形呀 .

其實當日一早曾經落過雨黎 , 所以山頂十分大霧 .