例行公事

爸 Bi 媽 Mi 領養我回家的第二天 , 我就有街街行了, 連義工姐姐都話咁快就可以落街街 , Camilla 好叻女呀 . 呵呵呵呵......比人讚我叻女當然開心啦 , 不過都要謝謝爸 Bi 了 , 爸 Bi 話除非天氣十分差就去唔到街街外 , 其他日子都會帶我去 , 就好像昨年我落了 360 天行街街 .

行街街除了可以做大事辦小事這些例行公事之外 , 對身心都很有益處 , 當做運動一樣 . 還可以結識很多街坊狗狗添 .

行快 D 啦 ......... 行得摩無鼻哥呀 !!!!

一路行就一路嗅嗅先 .......依 !! ........ 好似有好多街坊狗狗黎過 .

呵呵呵 ........ 基本上其實係我帶爸 Bi 媽 Mi 行街街呢 !!!

傻狗巧遇星戰 Skywalker

某年某月某天 , 傻狗在家中梳化正在無聊閒坐中 , 思前想後正想找甚麼東西來玩時 , 就在她身前一度強光閃過 , 原來是星球大戰的 Skywalker 用時空轉移超越時間空間錯誤咁出現在此 , 傻狗對 Skywalker 感到十分好奇 , 想看他的盧山真面目 , 但 Skywalker 又不想被傻狗點佢相 , 這樣兩者就開始互相拉扯起來了 .

傻狗 : 你到底是何方神聖 , 快給我看看呀 .

Skywalker : 我只是路經此地 , 無需比妳知道 , 再見 .

好快 Skywalker 再次啟動時空轉移 , 吱一聲就離開左 , 傻狗就好似甚麼都沒有發生過一樣 , 一於來過午睡好過做元帥 .

九龍仔狗公園

在香港 , 狗狗可以入的公園基本上少之又少 , 在屋企附近的九龍仔公園在汽車入口旁邊就有一個面積細小的狗公園 , 只有半個籃球場的面積 ( 可能仲細 ) , 爸爸媽媽和我去過兩次 , 而園內沒甚麼設施只有幾張石椅 , 行個圈就行完 . 如果多幾隻狗狗一起於園內就感覺擠迫 . 所以都沒有興趣再去多次了 , 除非沒有其他選擇啦 .

在十分細小的狗公園內與爸爸留影 .

後面梯級那位置就是狗公園的入口 . 但出入要小心呀 !! 因為一出黎就是車路 .

傻狗大戰青竹蛇

有一日傻狗和老虎狗在家中客廳玩耍 , 玩得十分開心 . 當傻狗將老虎狗騎博馬時 , 突然殺出一條長約 3 呎青竹蛇 , 入侵佢地個地盤 , 將傻狗和老虎狗捲成一舊 , 傻狗和老虎狗為了保衛地盤 , 便和青竹蛇爆發一場驚天動地的世紀大戰 .

傻狗立即一口將青竹蛇個蛇頭捉住 , 而老虎狗幫手騎住青竹蛇唔比佢走 .

老虎狗首先不敵青竹蛇.......收工離場 ~ !!!

傻狗 : 老虎狗我一定同你報仇雪恨 ....... 你放心啦 !!!!

青竹蛇 ,傻狗大戰三百回合之後 , 兩敗俱傷....青竹蛇收左工 , 傻狗中毒暈左 .

七七四十九日後毒素漸漸消失傻狗開始清醒過來了 .

傻狗的英勇行為 , 得到特別行政區首長加許 , 頒發大紫荊勳章給她 .

回想遨遊西貢獅子會

自我成為陳家一份子之後 , 爸爸媽媽假日去旅行都比以前多了 , 因為自領養我時認識了一些義工 , 才了解有很多這些狗狗旅行團活動的 , 爸爸說可以帶我出去大草地走走跑跑 , 又可以呼吸一下大自然清新空氣 . 對於身體非常健康 . 爸媽就可以和大家交流一下 , 我們狗狗又可互相認識 .

第二次到郊外遊玩是 2006 年 3 月 12 日由 Dog Cat Service 主辦的寵物活動之遨遊西貢獅子會自然教育中心 , 這次共有 75人參與 . 狗狗數目也差不多 , 這地方是可以比狗狗進入的 .

當日天氣也十分好 , 因為西貢比較接近市區 , 所以很快就到達目的地 . 自然教育中心的地方很大 , 有幾個展館的 , 但狗狗唔入得去 . 我就和爸爸媽媽在中心內周圍去 , 而中心內有餐廳的 , 爸爸媽媽可以醫肚子 .

唔好意思........狗有三急......!!!!

行行行......上上上......坐下來休息一下先 .

照番張全家褔先                                   其他旅行的狗狗

爸爸和我於西貢獅子會自然教育中心內和太陽花園留影

給大家看看我在草地上馳騁的英姿啦 !!!

有得食有得玩

Hello !! 各位等我 Camilla 比些東西大家看看 , 這影片是我剛回家不久的時候 , 地上還有以防我尿尿的膠質軟地毯 , 其實我在家裡經常都喜歡這樣玩的 , 呵呵 .... 當爸爸媽媽給我牙刷骨骨時我就一定玩一輪先食落肚嫁 . 唔知其他狗狗又係唔係好似我咁呢 ??

係咪好得意又過引呢 !!!( 自己讚自己 ) . 比多張我食食時的照片比大家看 .

回味狗狗團拜宴

2006 年 2 月 5 日 , 我們一家參與了 Dog Cat Service 主辦的寵物旅行團之狗年新春狗狗團拜宴呀 , 地點是元朗錦田鄉村俱樂部 , 在狗年到來的時刻來個狗狗團拜 , 簡直一流 . 這天早上已預備好所有的東西 , 首先到旺角警署集合 , 等旅遊巴的到來 , 上車後大約一小時左右便到達我們的目的地 .

當日一共有146人參與 , 而狗狗數目就.........( 唔記得左 ).

我和爸爸媽媽坐的那圍盆菜 , 個個都望鏡頭 , 我就望住個盆菜 .

Angela 姐姐在另一圍盆菜的合照 .          HKDR 舍友 Marvin 也有來呀 !!

媽媽比野食 , 阿細佬都好似想食 .      擺好個姿勢先 ...... 係咪好靚呢 !!

呵呵.....呵呵.....左望望.....右望望......天氣晴朗心花放 .

老友記我地又可以合照了                   爸爸我地一齊影番張相先

爸爸 !! 是你叫我嗎   !!                                  呵呵 !! 在原野上任我步行                       

這天玩得十分開心 , 爸爸媽媽又第一次在元朗食盤菜 , 人狗一樂也 .

2005年12月4日興奮的一天

2005 年12 月4 日星期日 , 我懷著十分十分興奮的心情 , 因為爸爸媽媽這天帶我到上環中山紀念公園 , 因為這天這裡有一個寵物活動 , 也是我第一次去比較遠一些的地方玩 , 當日有好多狗狗係球場到跑來跑去 .

影番張靚靚相先 , 可以去街街當然開心啦 .

媽媽有個姐姐同我打招呼呀 ~!!.....姐姐妳好....早晨 .

係公園到有 HKDR 的攤位 , 而義工 Angela 姐姐和 Jackie 姐姐都係到 , 而 Angela 姐姐仲帶佢領養架兩隻狗狗出黎 , 哥哥和細佬 .

哥哥和細佬係我 HKDR 的舍友 , 果陣時我地一齊等人領養的 , 我就一隻眼失明 , 而細佬雙眼失明 . 可喜架就係我地都有屋企有人錫了 .

難得見返 HKDR 架舍友當然要影張相先啦 , 不過哥哥唔知走左去邊 , 唯有同細佬合照先 .

我和爸爸一齊影張相先 , 依 !! 細佬都入埋鏡頭添 ~!!...哈哈 ...1 ' 2 ' 3 ' 笑 ...... !!

嘩 !! 真係好開心好滿足呀 . 媽媽可唔可以多些出街街玩呀 ! (媽媽) 無問題 , Camilla 咁乖女 .

 

偷食之過

大家千其唔好誤會係我偷食，我好乖嫁，媽媽試過將成袋零食放係我前面我都唔會自己咬開食，要媽媽比我我先會食，係咪好乖女呢。

其實係媽媽個死黨果隻曲架仔，成日都跳上將桌子上面偷食朱古力，朱古力係我地敵人黎架 , 食左絕對係有害而無益 , 曲架仔有一次竟然食晒成盒，唔知係唔係咁樣 6歲 就英年早逝死左 . 但係媽媽話有個好獸醫都好重要，因為佢死之前明明好番好多，後來佢死黨一心比最好的野佢 , 又同佢去睇跑馬地最出名的醫生何 x x，點之幫佢做晒檢查後話曲架仔沒有問題，而且叫佢可以食番普通糧，一食番普通糧無幾耐，就出事，最後唔使講呢！原來之前的醫生話佢要長期食特別糧，因為佢胰臟發過炎，但後來的第二位醫生又話無問題，媽媽的死黨不知幾傷心，仲自責話總之睇番紅磡個位，媽媽死黨話唔係錢的問題，最重要好番，最傷心係個醫生話隻狗老叫佢唔好用錢去維持佢生命，佢之前又唔講等人地幫襯完佢又唔識醫又講埋的黑博的說話，佢之前仲話 6歲唔老，幾黑人憎。所以媽媽話一定要話比大家知千其唔好食朱古力同埋信一些所為名醫，而且呢個所謂名醫現在態度越來越差。

零食 0 食

最近爸爸媽媽帶我去洗牙，順便做埋全身檢查，發現尿液裡鹼性過高及有晶石，但未成為膀胱石 , 醫生話要我食特別糧而且唔好食零食，盡量唔好比佢結合成膀胱石，好慘呀！不過都係對我好的 , 原來媽媽同我講好多姨姨話其他朋友仔細細個果陣時食得太多零食 , 到大個仔大個女時都會有好大機會有呢個現狀 ( 膀胱石 )，所以各位朋友們千萬要 0食，否則到時要開刀，有血光之災咁就唔好啦 , 又唔靚女 , 攪到有疤痕仲要去整容添 .

回想第一天

Hello !! 咁多位街坊好友 , 我叫 Camilla 呀 . 今年9 歲了 , 大約三年前被前主人遺棄 , HKDR 將我救了出來 . 在待領期間左眼感染細菌而失明了. 在 HKDR 的日子都有一年多.

2005 年 11 月13 日星期日 , 是我生命的重要日子 , 這天爸爸媽媽來訪 HKDR 薄扶林狗房 , 沒有因為我左眼失明 , 帶了我返屋企 . 由這天開始我有屋企了, 爸爸媽媽都好錫我 . 第一天 rehome 感覺有點不習慣 , 話晒都係新環境新地方 , 悶悶不樂一定少不免啦 , 你睇下我無里精神咁訓係度就知啦...............!!!!!!!

就連爸爸媽媽比個波波我玩都無心機玩呀 ( 其實個波波好硬架 , 爸爸都唔玩可況係我 )

雖然仲未習慣環境 , 當然肚餓時唔會同自己個肚皮作對啦 . ( 唔駛再同狗增食感覺真好 )

經過一星多時間 , 已經習慣屋企的環境 , 差不多每一個角落都係我地盤 .