Hello !! 大家好嗎 , 其實我 Camilla 除左爸 Bi 整左個新狗竇比我之外 , 媽 Mi 都買左一個新咕 臣比我係廳訓 . 我都好鐘意呢一個咕 臣架 , 而咕 臣個圖案係叮噹呀 , 係呢個冬天訓上都咪話唔舒服 .
其實係屋企我都有好多個地盆 , 遲 D 同大家介紹一下我架地盆比大家睇下 ~!!
我訓向個咕 臣到多數都收埋兩隻手手架 .
訓係到諗下今日爸 Bi 同媽 Mi 會比 D 乜野食食我呢 ~!!!
爸 Bi 你又好得閒無野好做呀 , 又係到影狗地 ........ ~!!!
算啦 , 由得你影到夠啦 , 我都無你咁好氣蓮花與你 ......哈哈 !!!
唔好意思我 Camilla 繼續享受我架咕 臣比我架休閒感覺 , 傻爸 Bi 唔好攪住狗地休息呀 . 最多一陣我陪你去街街啦 .
爸 Bi : Camilla 好似係我陪你落街街先至真呀 !!!
爸 Bi 媽 Mi 訓較較張床褥 , 因為都用左好多年 , 所以就決定買過一張新架 , 新床褥好快就送左黎屋企 , 而舊床褥爸 Bi 諗到一個好好架主意 , 就連我 Camilla 都舉起手手腳腳同埋條尾尾支持 , 就係將張舊床褥介開整個狗竇比我 Camilla .
爸 Bi 一介張舊床褥我就首唔先咁 ..... 急不及待走左上去試一試個感覺如何 !!!
唔訓就事可一訓就收唔到科 , 嘩 ~ !!! ... 真係好舒服呀 , 攪到我 Camilla 都有 D 倦意 , 大家睇下呢張相就知我唔願走開啦 !!!
爸 Bi : Camilla 爸 Bi 仲未完成架 , 你咁快訓上去你叫我點繼續整呀 , 番落黎先等我整好就再叫你試啦 !! 好唔好呀 , 我保證 Mi Mi 一定鐘意 .
Camilla : 哦 !! 知道 .... 咁爸 Bi 你整好就即刻叫我呀 .
爸 Bi : OK !!!
爸 Bi : Camilla 你個狗竇大功告成 , 可以試訓一下 .
Camilla : 爸 Bi 果然好正呀 , 而且爸 Bi 做到有條樓梯仔咁 .... 好正呀 !!!
爸 Bi : 哈哈 !! Camilla 你鐘意就得啦 .
Camilla : 簡直唔想行開呀 , 好舒服 而且仲同爸 Bi 媽 Mi 張床差唔多高 , 可以睇到你地 , 爸 Bi 多謝晒你架 .
爸 Bi : Camilla 咁我唔阻住你休息啦 .
Camilla : 等我今晚一於發番一個甜夢先 ........ 呵呵 !!!!
早排 女麻 女麻 由粉嶺出左黎住呀 , 因為 女麻 女麻 係粉嶺屋企沖完涼行出廁所時唔小心咁跌親呀 , 而且仲跌斷左骨骨呀 , 入左醫院做左手術 , 所以爸 Bi 接左佢出黎住一排先 .
我好乖架 , 我會照顧住 女麻 女麻 架 , 你地睇下我將個頭仔放向 女麻 女麻 個大比到 , 陪下 女麻 女麻 傾下計 , 安慰下佢又講下笑 , 咁 女麻 女麻 就會覺得無咁痛啦 !!!
Camilla : 女麻 女麻 唔駛怕架 , 你會好快好番架啦 .
Camilla : 爸 Bi 你又係到影狗地呀 ~!!
Camilla : 爸 Bi 你鐘意影就影到夠啦 , 我一於少理你呀 , 我陪住 女麻 女麻 就夠 .
係年尾係特別忙碌架日子 , 因為 爸 Bi 媽 Mi 和我 Camilla 都係在尾後呢三個月生日 , 媽 Mi 就第一位係 10 月份 , 我 Camilla 就係第二位 11 月份而爸 Bi 就係包尾係 12 月份生日 , 即係話爸 Bi 媽 Mi 一個前一個後咁包住我係中間 , 真係好溫暖呀 !!! 雖然 10 月份就過左 , 但係有心唔怕遲 , 我要送番個蛋糕比媽 Mi 先 .
Camilla : 媽 Mi 我送個蛋糕比妳補祝妳生日快樂 , 身體健康 , 幾時都咁靚 , 記得整多 D 好野比我食食呀 !!
媽 Mi : Camilla 點解個蛋糕咁熟面口架 , 咁似爸 Bi 比你果個黎 .
Camilla : 我 Camilla 都好支持環保架 , 所以呢就唔好浪費 , 再做多次咁姐 , 唔好講咁多 , 媽 Mi 我地影番張合照先啦 .
媽 Mi : Camilla 都好乖囡呀 .
Camilla : 個蛋糕真係好好好 ..... 吸引我呀 , 越睇就越想咬一淡佢 .
Camilla : 媽 Mi 我真係忍唔住呀 , 實在太吸引狗地呀 .
媽 Mi : 下 Camilla 你咁都得 , 上次你都試過係乜野味道架啦 , 乜毛巾好好味架咩 .
Camilla : 今次我要咬粒車厘子先 ........!!!!
媽 Mi : 呵呵 ...... 我都服左你呀 !!
轉眼之間....話咁快就離開 HKDR 已經兩年啦 , 今日架我已經 10 歲啦 , 爸 Bi 媽 Mi 帶我走果日係 11 月13 日 , 所以我 Camilla 而家生日架日子就係呢日 .
Camilla : 爸 Bi 呢個乜野家火呀 , 圓菇 Look 咁仲有幾粒野係上面架 !!!
爸 Bi : 呢個係比 Camilla 架生日蛋糕黎呀 !! 你鍾唔鍾意呀 !!!
Camilla : Camilla 一枝花你咪當我老花 , 真係比我架 ~ !!
爸 Bi : 係呀 , Mi Mi ( 爸 Bi 而家經常咁叫我架 ) 係咪好鐘意呢 ...... !!!
Camilla : 個蛋糕真係好吸引呀 , 多謝爸 Bi 媽 Mi 呀 !!
爸 Bi : 咁樣不如 Camilla 許返一個願望先啦 !!
Camilla : 首先我希望爸 Bi 媽 Mi 身體健康 , 而我 Camilla 就日日都有好野食 , 仲要係媽 Mi 整果隻 , 同埋一樣身體健康能夠陪爸 Bi 媽 Mi 耐 D , 仲有希望而家仲係 HKDR 架狗地們早日搵到一個溫暖架屋企 .
Camilla : 咁樣爸 Bi 而家我可以食得蛋糕未呀 !!
爸 Bi : 食蛋糕 ?? 呵呵 ...... 如果 Camilla 可以食到呢個毛巾蛋糕架話 , 我都想睇下你點樣食 .
Camilla : 爸 Bi 你係到蝦狗地 , 好 !! 我就食比你睇下 , 我一於 .............. 咬咬咬 !!! 食比爸 Bi 你睇下 ....... 呵呵 !!!
我好想媽 Mi 可以整多 D 餅餅同蛋糕比我食食 , 但媽 Mi 話要買部書返黎先可以學做多一些餅餅同蛋糕 , 媽 Mi 叫我等等 , 等部書出版左先 , 阿 Jackie 姐姐會幫媽 Mi 買部書 . 到時就可以有多好多好野食 .
好啦 ~!!!一於聽媽 Mi 話啦 , 好好好安靜咁去等等等 .
等到唔知做乜好 , 唯有望下傻爸 Bi 係到影我啦.........~!!!
點知爸 Bi 突然放本野係我面前 , 嘩 !! 正呀 ... 原來已經有啦 , 愛犬私房菜 呀 .
就係呢本呀 !! 媽 Mi 可以整餅餅同蛋糕啦 , 我好心急呀 , 想試下媽 Mi 架手勢 .
終於可以講下我 Camilla 游水水 , 今次係我第二次落水水 , 舊年第一次落水之後攪到成身痕 , 媽 Mi 話可能係吹風機吹得太干 , 所以就皮膚敏感 , 今次媽 Mi 話吹到一半干再等我自然干就會無問題 . 好 !!! 一於落水啦 . 爸 Bi 陪我落水一齊玩 .
Camilla : 好呀 , 我都係咁話 .
爸 Bi : 點呀 , 可以落水咪呀 ~! !!
Camilla : 唔得呀 , 爸 Bi 抱我落水先 , 等我適應下水溫同水深先 .
爸 Bi : Camilla 你咁多事實0架 .
爸 Bi : 好啦 , 等我抱住你試下水 , 點呀 OK 未 ?
爸 Bi : 不如比個浮床仔你試下 .
爸 Bi : Camilla 游得好好呀 , 呢次算係你真正游水呀 , Camilla 係識游水水0架 .
今次目的地係位於天水圍西鐵站旁邊0架寵物宅 ( 隔離係古蹟聚星樓 ) , 個場面積唔算大基本上可以一眼睇晒 , 有狗狗游泳池一個 , 同過往去過0架狗狗泳池差唔多大 , 不過 D 池水比較污濁 , 燒烤爐位四個 , 呢次旅行一行差唔多四十人三十多狗狗 , 但成個場就只有四至五個太陽傘 , 而陽光又十分猛烈 , 氣溫升到 31 - 32 度到啦 , 好多狗狗父母都被迫要日光浴 , 包括爸 Bi 媽 Mi 和舅父仔舅母仔在內 , 曬到頭暈又好熱 , 風扇都無把 , 而有幾個狗狗父母都支持唔住要走先 ( 差小小就中暑 ) , 唯一室內0架地方又唔開放比人隨便入 , 隨左幫襯食麵麵又或者去廁所先入去 , 而且個場 D 人又係裡面煲煙攪到空氣污濁 , 簡直離晒譜呀 ~ !!!!
個場除左招呼我地仲繼續比 Walk In 架人帶狗狗入黎游水 , 所以閒雜人等就多 , 更要留心自己0架財物 .
到下午差唔多四點到 , 都已經走左七八個人 , 開始 BBQ 時間 , 而燒烤食物方面都是一般 , 有腸仔 , 貢丸 , 牛丸 , 墨魚丸 , 麵包 , 雞中翼 , 雞排 , 豬排 , 就是這樣 , 包一支水或者汽水 , 食物味道普普通通 , 爸 Bi 媽 Mi 和舅父仔舅母仔因先前曬到傻左 , 無乜心機燒 , 燒左一陣食左少少野就算 ( 都未飽 ) , 而舅父仔同爸 Bi 都想早些走 , 所以就 Call 左部貨 Wan , 六點鐘走人 .
下一篇同大家講我游水水0架情形啦 .
媽 Mi : 等一陣先啦 , 轉頭就黎 .
媽 Mi : 得啦 , 得啦 , 過黎啦 , 咁我地一齊坐啦 .
媽 Mi : 唔駛理爸 Bi 啦 , 由得佢影到夠啦 .
